Class 6 Kannada Lesson 10: Mother (ಅವ್ವ) | KTBS Kannada First Language

ಬೊಗಸೆ ತುಂಬ ಹೂವ ತಂದು ಪಾದಕಮಲಕೆರಗುವೆ ನಿನ್ನ ಅಡಿಗೆ ಮಣಿದು ಮತ್ತೆ ಭಾಗ್ಯವನ್ನೆ ಬೇಡುವೆ ||೧|| ಗರ್ಭದಲ್ಲಿ ಮಾಂಸ ಮುದ್ದೆ ಅ ಆ ಇ ಈ ತಿಳಿಯದು ಜನಿಸಿ ಧರೆಗೆ ಬಿದ್ದ ಕ್ಷಣವೆ ‘ಅವ್ವ’ ಅಂತು ಕೊರಳು ||೨|| ನೋವ ನುಂಗಿ ನನ್ನ ನಂಬಿ ಹಾಲ ನೀನು ಕುಡಿಸಿದೆ ಕಣ್ಣ ನೀರ ಒರೆಸಿ ನೀನು ಎದೆಗವಚಿ ರಮಿಸಿದೆ ||೩|| ಬಿದ್ದರಂತು ಓಡಿಬಂದು ಎತ್ತಿಕೊಂಡು ರಮಿಸಿದೆ ಗೆದ್ದರಂತು ಖುಷಿಯು ನಿನಗೆ ಹೊತ್ತುಕೊಂಡು ಸಾರಿದೆ ||೪|| ವಿದ್ಯೆ ಕಲಿಸಿ ಬುದ್ಧಿನೀಡಿ ಸಿದ್ಧಿಪಡೆಯೆ ಕಲಿಸಿದೆ ಯಶದ ಹಿಂದೆ ಹರಕೆ ನೀಡಿ ಜೀವತ್ಯಾಗ ಮಾಡಿದೆ ||೫|| ರೊಕ್ಕಕೆಲ್ಲ ಲೆಕ್ಕವಿಲ್ಲ ನಿನ್ನ ಋಣ ಅಗಣಿತ. ಪಾದಕಮಲಕೊಂದೆ ಹೂವು ನನ್ನ ಪ್ರೀತಿ ಸೀಮಿತ ||೬|| ತಾಯಿ ಹರಕೆ ಮುಂದೆ ಜಗದಿ ಯಾವುದಿಲ್ಲ ಮಿಗಿಲು ತಾನು ಕಾಯೊ ಗುಣದ ದೇವರವ್ವ ಅವ್ವ ನಿನ್ನ ಹೆಸರು ||೭||