CRECT Education

Class 6 Kannada Lesson 6: Our Village Lake | KTBS Second Language

Description

Learn the poem 'Namma Oora Kere' (Our Village Lake) — Class 6 Kannada Second Language. Walk through each stanza, learn key vocabulary, and practice comprehension.

ಪದ್ಯ (poem) · ಚಿದಾನಂದ ಸಾಲಿ

ಪಠ್ಯFull text

ಸುತ್ತ ಹತ್ತೂರಲ್ಲಿ ಮುತ್ತಂತೆ ನಮ್ಮ ಕೆರೆ ಅದರ ಉಳಿವಿನ ಕಥೆಯ ಕೇಳಿರೆಲ್ಲ ।ಪ। ಕೆರೆಯ ದಾರಿಯಲೆಲ್ಲ ತಂಪು ತಂಬೆಲರು ಏರಿಯ ಸುತ್ತೆಲ್ಲ ಕಾವಲಿನ ಮರಸಾಲು ಒಂದೊಂದು ಮರದಲ್ಲಿ ಹತ್ತಾರು ಟೊಂಗೆಗಳು ಹತ್ತಾರು ಟೊಂಗೆಯಲಿ ನೂರಾರು ಹಕ್ಕಿಗಳು ।ಸುತ್ತ। ಬೆಳ್ಳಿ ತಟ್ಟೆಯ ಹಾಗೆ ಹೊಳೆ ಹೊಳೆವ ನೀರು ಮಿಂಚುಬಳ್ಳಿಯ ಹಾಗೆ ಥಳಥಳಿಪ ಮೀನು ಕಪ್ಪೆಗಳ ವಟವಟರು, ಸುತ್ತ ಮೇಯುವ ಟಗರು ದನಗಾಹಿಯ ಹಾಡಿಗೆ ತಲೆದೂಗುವಾ ಪೈರು ।ಸುತ್ತ। ಕಾರ್ಖಾನೆಗಳು ಬಂದು, ಜನಸಂಖ್ಯೆ ಬೆಳೆದು ಗಟಾರದ ಕೊಳೆಯೆಲ್ಲ ಕೆರೆಯೊಳಗೆ ಬೆರೆತು ಭೂತಾಯ ಎದೆ ತುಂಬ ಕೊಳವೆಬಾವಿಯ ಕೊರೆದು ನೀರಸೆಲೆಯೂ ಬತ್ತಿಹುದು, ಕೆರೆ ಒಡಲು ಬಿರಿದು ।ಸುತ್ತ। ಊರ ಜನರು ಸಭೆಯ ಸೇರಿ ಒಮ್ಮತಕೆ ಬರಲು ಹೊಗೆ ಬೆಂಕಿ ಕಾರ್ಖಾನೆಯ ಊರಾಚೆ ಇಡಲು ಮನೆಗೆರಡು ಮರ, ಕೆರೆ ಸುತ್ತ ಬನ ನೆಡಲು ಪ್ಲಾಸ್ಟಿಕಿನ ಬಳಕೆಗೆ ವಿದಾಯವ ಹೇಳಲು ।ಸುತ್ತ। ನಮ್ಮೂರ ನೆಲವೀಗ ಜಲನಿಧಿಯ ಆಗರವು ಮರಗಳಲಿ ಮತ್ತೀಗ ಹಸಿರು ಹಕ್ಕಿಯ ಹಾಡು ಉಪ್ಪು ತಿಂದವ ನೀರು ಕುಡಿಯಲೇ ಬೇಕಲ್ಲ ತಪ್ಪು ಮಾಡಿದ ನಾವೇ ಸರಿಪಡಿಸಬೇಕಲ್ಲ ।ಸುತ್ತ।

"ತಪ್ಪು ಮಾಡಿದ ನಾವೇ ಸರಿಪಡಿಸಬೇಕಲ್ಲ" — "We who made the mistake must fix it ourselves."

ಅಭ್ಯಾಸexercises from the textbook

Model answers — a guide, not the only correct wording. Check with your teacher.

I. ಪದಗಳ ಅರ್ಥ :

  1. | | |

  2. |---|---|

  3. | ಆಗರ - ಕಣಜ | ಏರಿ - ಎತ್ತರವಾದ ಕಟ್ಟೆ |

  4. | ಒಡಲು - ದೇಹ; ಶರೀರ; ಹೊಟ್ಟೆ. | ಒಮ್ಮತ - ಎಲ್ಲರ ಅಭಿಪ್ರಾಯ ಒಂದೇ ಆಗಿರುವುದು. |

  5. | ಕಾವಲು - ಹುಲ್ಲುಗಾವಲು; ದನಕರುಗಳನ್ನು ಮೇಯಿಸಲು ಮೀಸಲಾಗಿರುವ ಸ್ಥಳ. | ಕೊಳೆ - ಹೊಲಸು |

  6. | ಗಟಾರ - ಚರಂಡಿ | ಜಲನಿಧಿ - ಸಮುದ್ರ; ಸಾಗರ. |

  7. | ತಂಬೆಲರು - ತಂಪಾದ ಗಾಳಿ | ದನಗಾಹಿ - ದನಗಳನ್ನು ಕಾಯುವವನು |

  8. | ಪೈರು - ಬೆಳೆ | ಬತ್ತು - ಒಣಗು |

  9. | ಬನ - ವನ | ವಿದಾಯ - ಬೀಳ್ಕೊಡುಗೆ |

  10. | ಸೆಲೆ - ನೀರು ಒಸರುವ ಜಾಗ | |

  11. ಉಪ್ಪು ತಿಂದವ ನೀರು ಕುಡಿಯಲೇಬೇಕು - ಇದೊಂದು ಗಾದೆ ಮಾತು. ಇದರ ಅರ್ಥ ತಪ್ಪು ಮಾಡಿದವ ಶಿಕ್ಷೆ ಅನುಭವಿಸಲೇಬೇಕು.

II. ಪ್ರಶ್ನೆಗಳು :

ಅ) ಈ ಕೆಳಗಿನ ಪ್ರಶ್ನೆಗಳಿಗೆ ಒಂದು ವಾಕ್ಯದಲ್ಲಿ ಉತ್ತರಿಸಿರಿ.

  1. ೧. ಕೆರೆಯ ಏರಿಯ ಸುತ್ತ ಯಾವುದರ ಕಾವಲಿತ್ತು?

    Answer

    ಕೆರೆಯ ಏರಿಯ ಸುತ್ತ ಮರಸಾಲಿನ ಕಾವಲಿತ್ತು.

  2. ೨. ಕೆರೆಯ ನೀರು ಹಾಗೂ ಮೀನು ಯಾವ ರೀತಿ ಹೊಳೆಯುತ್ತಿದ್ದವು?

    Answer

    ಕೆರೆಯ ನೀರು ಬೆಳ್ಳಿ ತಟ್ಟೆಯಂತೆ ಮತ್ತು ಮೀನು ಮಿಂಚುಬಳ್ಳಿಯಂತೆ ಹೊಳೆಯುತ್ತಿದ್ದವು.

  3. ೩. ಭೂಮಿಯೊಳಗಿನ ನೀರಸೆಲೆ ಬತ್ತಿಹುದು ಏಕೆ?

    Answer

    ಭೂಮಾತೆಯ ಎದೆ ತುಂಬ ಕೊಳವೆಬಾವಿಯನ್ನು ಕೊರೆದುದರಿಂದ ನೀರಸೆಲೆ ಬತ್ತಿಹೋಯಿತು.

  4. ೪. ಕೆರೆಯ ಉಳಿವಿಗೆ ಊರಿನ ಜನ ಯಾವುದಕ್ಕೆ ವಿದಾಯ ಹೇಳಿದರು?

    Answer

    ಕೆರೆಯ ಉಳಿವಿಗೆ ಊರಿನ ಜನ ಪ್ಲಾಸ್ಟಿಕಿನ ಬಳಕೆಗೆ ವಿದಾಯ ಹೇಳಿದರು.

  5. ೫. ನಮ್ಮೂರ ಕೆರೆ ಈಗ ಯಾವುದರ ಆಗರವಾಗಿದೆ ಎಂದು ಕವಿ ಹೇಳುತ್ತಾರೆ?

    Answer

    ನಮ್ಮೂರ ಕೆರೆ ಈಗ ಜಲನಿಧಿಯ ಆಗರವಾಗಿದೆ ಎಂದು ಕವಿ ಹೇಳುತ್ತಾರೆ.

ಆ) ಈ ಕೆಳಗಿನ ಪ್ರಶ್ನೆಗಳಿಗೆ ಎರಡು-ಮೂರು ವಾಕ್ಯಗಳಲ್ಲಿ ಉತ್ತರಿಸಿರಿ.

  1. ೧. ‘ನಮ್ಮೂರ ಕೆರೆ’ ಪದ್ಯದಲ್ಲಿ ಕವಿ ಕೆರೆಯ ದಾರಿಯನ್ನು ಯಾವ ರೀತಿ ವರ್ಣಿಸಿದ್ದಾರೆ?

    Answer

    ಕೆರೆಯ ದಾರಿಯಲ್ಲಿ ತಂಪಾದ ತಂಬೆಲರು ಬೀಸುತ್ತಿತ್ತು. ಏರಿಯ ಸುತ್ತ ಕಾವಲಿನ ಮರಸಾಲು ಇತ್ತು. ಒಂದೊಂದು ಮರದಲ್ಲೂ ಹತ್ತು ಹತ್ತು ಟೊಂಗೆಗಳಿದ್ದು, ಅವುಗಳಲ್ಲಿ ನೂರಾರು ಹಕ್ಕಿಗಳು ವಾಸಿಸುತ್ತಿದ್ದವು.

  2. ೨. ಕೆರೆಯ ಒಡಲು ಬತ್ತಿ ಹೋಗಲು ಕಾರಣಗಳೇನು?

    Answer

    ಕಾರ್ಖಾನೆಗಳು ಬಂದು, ಜನಸಂಖ್ಯೆ ಬೆಳೆದು, ಗಟಾರದ ಕೊಳೆ ಕೆರೆಯೊಳಗೆ ಬೆರೆತಿತು. ಭೂಮಾತೆಯ ಎದೆ ತುಂಬ ಕೊಳವೆಬಾವಿಗಳನ್ನು ಕೊರೆದದ್ದರಿಂದ ನೀರಸೆಲೆ ಬತ್ತಿ, ಕೆರೆಯ ಒಡಲು ಬಿರಿದು ಬತ್ತಿಹೋಯಿತು.

  3. ೩. ಕೆರೆಯ ಉಳಿವಿಗೆ ಊರ ಜನರು ಕೈಗೊಂಡ ಕ್ರಮಗಳಾವುವು?

    Answer

    ಊರ ಜನರು ಸಭೆ ಸೇರಿ ಒಮ್ಮತದಿಂದ ನಿರ್ಧರಿಸಿದರು. ಹೊಗೆ ಬೆಂಕಿ ಕಾರ್ಖಾನೆಯನ್ನು ಊರಾಚೆ ಇಡಲಾಯಿತು. ಮನೆಗೆರಡು ಮರ ನೆಟ್ಟು, ಕೆರೆಯ ಸುತ್ತ ಬನವನ್ನು ಬೆಳೆಸಲಾಯಿತು. ಪ್ಲಾಸ್ಟಿಕಿನ ಬಳಕೆಗೆ ವಿದಾಯ ಹೇಳಲಾಯಿತು.

  4. ೪. ‘ನಮ್ಮೂರ ಕೆರೆ’ ಪದ್ಯದಲ್ಲಿ ಕವಿ ನೀಡುವ ಸಂದೇಶವೇನು?

    Answer

    ನಾವು ಮಾಡಿದ ತಪ್ಪನ್ನು ನಾವೇ ಸರಿಪಡಿಸಬೇಕು ಮತ್ತು ನೀರಿನ ಮೂಲಗಳನ್ನು ಉಳಿಸಬೇಕು ಎಂಬುದು ಈ ಪದ್ಯದಲ್ಲಿ ಕವಿ ನೀಡುವ ಸಂದೇಶವಾಗಿದೆ.

III. ಭಾಷಾಭ್ಯಾಸ :

ಅ) ಇಲ್ಲಿರುವ ಪದಗಳನ್ನು ಮಾದರಿಯಂತೆ ಬಿಡಿಸಿ ಬರೆಯಿರಿ.

  1. ಮಾದರಿ : ಹತ್ತಾರು = ಹತ್ತು + ಆರು

  2. ೧. ಕೇಳಿರೆಲ್ಲ = ........................................ + ........................................

    Answer

    ಕೇಳಿರೆಲ್ಲ = ಕೇಳಿರಿ + ಎಲ್ಲ

  3. ೨. ಒಂದೊಂದು = ........................................ + ........................................

    Answer

    ಒಂದೊಂದು = ಒಂದು + ಒಂದು

  4. ೩. ಹತ್ತೂರು = ........................................ + ........................................

    Answer

    ಹತ್ತೂರು = ಹತ್ತು + ಊರು

  5. ೪. ನೂರಾರು = ........................................ + ........................................

    Answer

    ನೂರಾರು = ನೂರು + ಆರು

  6. ೫. ಊರಾಚೆ = ........................................ + ........................................

    Answer

    ಊರಾಚೆ = ಊರು + ಆಚೆ

  7. ೬. ಮನೆಗೆರಡು = ........................................ + ........................................

    Answer

    ಮನೆಗೆರಡು = ಮನೆಗೆ + ಎರಡು

  8. ೭. ಮತ್ತೀಗ = ........................................ + ........................................

    Answer

    ಮತ್ತೀಗ = ಮತ್ತೆ + ಈಗ

  9. ೮. ನಮ್ಮೂರು = ........................................ + ........................................

    Answer

    ನಮ್ಮೂರು = ನಮ್ಮ + ಊರು

ಆ) ಇಲ್ಲಿರುವ ಪದಗಳಿಗೆ ವಿರುದ್ಧಾರ್ಥಕ ಪದಗಳನ್ನು ಬರೆಯಿರಿ.

  1. ೧. ಉಳಿವು x ........................................

    Answer

    ಉಳಿವು x ಅಳಿವು

  2. ೨. ತಪ್ಪು x ........................................

    Answer

    ತಪ್ಪು x ಸರಿ

  3. ೩. ಏರಿ x ........................................

    Answer

    ಏರಿ x ಇಳಿಜಾರು

  4. ೪. ತಂಪು x ........................................

    Answer

    ತಂಪು x ಬಿಸಿ

  5. ೫. ಬತ್ತು x ........................................

    Answer

    ಬತ್ತು x ತುಂಬು

  6. ೬. ನೆಡು x ........................................

    Answer

    ನೆಡು x ಕಿತ್ತು

ಇ) ಈ ಪದಗಳನ್ನು ನಿಮ್ಮ ಸ್ವಂತ ವಾಕ್ಯದಲ್ಲಿ ಉಪಯೋಗಿಸಿರಿ.

  1. ೧. ತಂಬೆಲರು: ........................................................................................

    Model sentence

    ತಂಬೆಲರು: ಸಂಜೆ ಹೊತ್ತು ತಂಬೆಲರು ಬೀಸುತ್ತಿತ್ತು.

  2. ೨. ಒಮ್ಮತ : ........................................................................................

    Model sentence

    ಒಮ್ಮತ: ನಮ್ಮ ತರಗತಿಯಲ್ಲಿ ಒಮ್ಮತದಿಂದ ನಾಯಕನನ್ನು ಆಯ್ಕೆ ಮಾಡಿದೆವು.

  3. ೩. ಉಳಿವು : ........................................................................................

    Model sentence

    ಉಳಿವು: ಗಿಡಗಳಿಗೆ ನೀರು ಹಾಕಿದರೆ ಅವುಗಳ ಉಳಿವು ಸಾಧ್ಯ.

  4. ೪. ಒಡಲು : ........................................................................................

    Model sentence

    ಒಡಲು: ವ್ಯಾಯಾಮ ಮಾಡಿದರೆ ಒಡಲು ಗಟ್ಟಿಯಾಗುತ್ತದೆ.

  5. ೫. ಆಗರ : ........................................................................................

    Model sentence

    ಆಗರ: ನಮ್ಮ ಶಾಲೆಯ ಗ್ರಂಥಾಲಯವು ಪುಸ್ತಕಗಳ ಆಗರವಾಗಿದೆ.

  6. ೬. ವಿದಾಯ : ........................................................................................

    Model sentence

    ವಿದಾಯ: ಶಾಲೆಯಿಂದ ಮನೆಗೆ ಹೋಗುವಾಗ ನಾನು ಗೆಳೆಯರಿಗೆ ವಿದಾಯ ಹೇಳಿದೆ.

ಈ) ಥಳ ಥಳ, ಫಳ ಫಳ ಇಂತಹ ಐದು ಪದಗಳನ್ನು ನಿಮ್ಮ ನೆನಪಿನಿಂದ ಬರೆಯಿರಿ.

ಉ) ಈ ಕೆಳಗಿನ ಗಾದೆ/ ಹೇಳಿಕೆಗಳನ್ನು ಪೂರ್ಣಗೊಳಿಸಿರಿ.

  1. ೧. ಉಪ್ಪು ತಿಂದವ ....................................................................

    Answer

    ಉಪ್ಪು ತಿಂದವ ನೀರು ಕುಡಿಯಲೇ ಬೇಕು.

  2. ೨. ಮನೆಗೊಂದು ಮರ ಊರಿಗೊಂದು ....................................................................

    Answer

    ಮನೆಗೊಂದು ಮರ ಊರಿಗೊಂದು ಬನ.

  3. ೩. ಹಸಿರೇ ....................................................................

    Answer

    ಹಸಿರೇ ಉಸಿರು.

  4. ೪. ಮರದಿಂದ ಮಳೆ; ಮಳೆಯಿಂದ ....................................................................

    Answer

    ಮರದಿಂದ ಮಳೆ; ಮಳೆಯಿಂದ ಬೆಳೆ.

ಊ) ನಾಲ್ಕು ಸಾಲಿನ ಟಿಪ್ಪಣಿ ಬರೆಯಿರಿ.

  1. ೧. ನಮ್ಮೂರ ಕೆರೆ :

  2. ....................................................................................................................

  3. ....................................................................................................................

  4. ....................................................................................................................

  5. ....................................................................................................................

  6. ೨. ಊರ ಜನರ ಒಮ್ಮತದ ನಿರ್ಧಾರ :

  7. ....................................................................................................................

  8. ....................................................................................................................

  9. ....................................................................................................................

  10. ....................................................................................................................

IV. ಚಟುವಟಿಕೆ :

  1. ೧. ಕೆರೆಗಳಿಗೆ ಸಂಬಂಧಿಸಿದ ಕಥೆಗಳನ್ನು ನಿಮ್ಮ ಅಧ್ಯಾಪಕರಿಂದ ಅಥವಾ ಅಜ್ಜ ಅಜ್ಜಿಯರಿಂದ ಕೇಳಿ ತಿಳಿಯಿರಿ.

  2. ೨. ನಿಮ್ಮ ಸಮೀಪದ ಕೆರೆ ಹಿಂದೆ ಹೇಗಿತ್ತು? ಈಗ ಹೇಗಿದೆ? ಎಂಬುದನ್ನು ಕೇಳಿ ತಿಳಿಯಿರಿ.

  3. ೩. ಕೆರೆಗಳ ಉಪಯೋಗಗಳನ್ನು ನಿಮ್ಮ ಮಾತುಗಳಲ್ಲಿ ವಿವರಿಸಿ.

  4. ೪. ಕೆರೆಗಳ ಉಳಿವಿಗೆ ನಾವು ಮಾಡಬೇಕಾದ ಕಾರ್ಯಗಳೇನು? ತರಗತಿಯಲ್ಲಿ ಚರ್ಚೆ ನಡೆಸಿರಿ.

V. ಸೈದ್ಧಾಂತಿಕ ವ್ಯಾಕರಣ :

೧. ವಚನಗಳು :

  1. ‘ವಚನ’ ಎಂದರೆ ಸಂಖ್ಯೆ. ವಸ್ತು ಅಥವಾ ವ್ಯಕ್ತಿ ಒಂದು ಆಗಿದ್ದರೆ ಏಕವಚನ ಎನ್ನುತ್ತೇವೆ. ಎರಡು ಅಥವಾ ಅದಕ್ಕಿಂತ ಹೆಚ್ಚಾಗಿದ್ದರೆ ಬಹುವಚನ ಎನ್ನುತ್ತೇವೆ.

  2. ಕೆಳಗಿನ ವಾಕ್ಯಗಳನ್ನು ಗಮನಿಸಿರಿ.

  3. ೧. ನನ್ನ ಊರಿನಲ್ಲಿ ಕೆರೆ ಇದೆ.

  4. ೨. ನಮ್ಮ ಊರಿನಲ್ಲಿ ಕೆರೆಗಳು ಇವೆ.

  5. ಇವುಗಳಲ್ಲಿ ಯಾವುದು ಏಕವಚನ ಹಾಗೂ ಬಹುವಚನ? ವಿಚಾರ ಮಾಡಿ ತಿಳಿಯಿರಿ.

  6. ಇಲ್ಲಿ ಕೆಲವು ಏಕವಚನ ವಾಕ್ಯಗಳನ್ನು ಕೊಟ್ಟಿದೆ, ಅವುಗಳನ್ನು ಬಹುವಚನದಲ್ಲಿ ಪ್ರಯೋಗಿಸಿರಿ.

  7. ೧. ಶಿಲ್ಪಳ ಹತ್ತಿರ ಪುಸ್ತಕ ಇಲ್ಲ. ....................................................................

    Answer

    ಶಿಲ್ಪಳ ಹತ್ತಿರ ಪುಸ್ತಕಗಳು ಇಲ್ಲ.

  8. ೨. ನಮ್ಮೂರಲ್ಲಿ ಗಂಧದ ಗಿಡ ಇದೆ. ....................................................................

    Answer

    ನಮ್ಮೂರಲ್ಲಿ ಗಂಧದ ಗಿಡಗಳು ಇವೆ.

  9. ೩. ಅವನು ಬಹಳ ಜಾಣನು. ....................................................................

    Answer

    ಅವರು ಬಹಳ ಜಾಣರು.

  10. ೪. ಕೆರೆಯನ್ನು ಸಂರಕ್ಷಿಸಿ. ....................................................................

    Answer

    ಕೆರೆಗಳನ್ನು ಸಂರಕ್ಷಿಸಿ.

  11. ಇಲ್ಲಿ ಕೆಲವು ಬಹುವಚನ ವಾಕ್ಯಗಳನ್ನು ಕೊಟ್ಟಿದೆ, ಅವುಗಳನ್ನು ಏಕವಚನದಲ್ಲಿ ಪ್ರಯೋಗಿಸಿರಿ.

  12. ೧. ನಾವು ಚಿಕ್ಕಮಗಳೂರಿಗೆ ಹೋಗುತ್ತೇವೆ. ....................................................................

    Answer

    ನಾನು ಚಿಕ್ಕಮಗಳೂರಿಗೆ ಹೋಗುತ್ತೇನೆ.

  13. ೨. ಬುಟ್ಟಿಯಲ್ಲಿ ಹಣ್ಣುಗಳು ಇವೆ. ....................................................................

    Answer

    ಬುಟ್ಟಿಯಲ್ಲಿ ಹಣ್ಣು ಇದೆ.

  14. ೩. ಸ್ಪರ್ಧೆಯಲ್ಲಿ ಶಾಲೆಗೆ ಬಹುಮಾನಗಳು ದೊರೆತವು. ....................................................................

    Answer

    ಸ್ಪರ್ಧೆಯಲ್ಲಿ ಶಾಲೆಗೆ ಬಹುಮಾನ ದೊರೆಯಿತು.

  15. ೪. ಶಾಲೆಯ ಆವರಣದಲ್ಲಿ ಗಿಡಗಳನ್ನು ನೆಟ್ಟೆವು. ....................................................................

    Answer

    ಶಾಲೆಯ ಆವರಣದಲ್ಲಿ ಗಿಡವನ್ನು ನೆಟ್ಟೆ.

೨. ಲಿಂಗಗಳು :

  1. ಕನ್ನಡದಲ್ಲಿ ಮೂರು ಲಿಂಗಗಳಿವೆ ಎಂಬುದನ್ನು ನೆನಪಿಡಿ. ಅವುಗಳೆಂದರೆ....

  2. ೧. ಪುಲ್ಲಿಂಗ

  3. ೨. ಸ್ತ್ರೀಲಿಂಗ

  4. ೩. ನಪುಂಸಕಲಿಂಗ

  5. ಯಾವ ಶಬ್ದ ‘ಗಂಡು’ ಎನ್ನುವ ಅರ್ಥ ನೀಡುತ್ತದೋ ಅದು ‘ಪುಲ್ಲಿಂಗ’ ಎಂದು ತಿಳಿಯಿರಿ.

  6. ಯಾವ ಶಬ್ದ ‘ಹೆಣ್ಣು’ ಎನ್ನುವ ಅರ್ಥ ನೀಡುತ್ತದೋ ಅದು ‘ಸ್ತ್ರೀಲಿಂಗ’ ಎಂದು ತಿಳಿಯಿರಿ.

  7. ಯಾವ ಶಬ್ದ ‘ಗಂಡೂ ಅಲ್ಲ, ಹೆಣ್ಣೂ ಅಲ್ಲ’ ಎನ್ನುವ ಅರ್ಥ ನೀಡಿದರೆ ಅದು ‘ನಪುಂಸಕಲಿಂಗ’ ಎಂದು ತಿಳಿಯಿರಿ.

  8. ಈ ವಾಕ್ಯಗಳನ್ನು ಓದಿ, ವ್ಯತ್ಯಾಸ ತಿಳಿದು ಲಿಂಗವನ್ನು ಗುರುತಿಸಿರಿ.

  9. ೧. ಅವನು ಮನೆಗೆ ಹೋಗುತ್ತಾನೆ.

  10. ೨. ಅವಳು ಮನೆಗೆ ಹೋಗುತ್ತಾಳೆ.

  11. ೩. ಅದು ಮನೆಗೆ ಹೋಗುತ್ತದೆ.

  12. ಇಲ್ಲಿರುವ ಪದಗಳು ಯಾವ ಲಿಂಗದಲ್ಲಿವೆ ಎಂದು ಗುರುತಿಸಿರಿ.

  13. ೧. ಅವನು ........................................

    Answer

    ಪುಲ್ಲಿಂಗ

  14. ೨. ಗಣೇಶ ........................................

    Answer

    ಪುಲ್ಲಿಂಗ

  15. ೩. ಶಿಕ್ಷಕಿ ........................................

    Answer

    ಸ್ತ್ರೀಲಿಂಗ

  16. ೪. ಪುಸ್ತಕ ........................................

    Answer

    ನಪುಂಸಕಲಿಂಗ

  17. ೫. ಇವಳು ........................................

    Answer

    ಸ್ತ್ರೀಲಿಂಗ

  18. ೬. ಹುಡುಗ ........................................

    Answer

    ಪುಲ್ಲಿಂಗ

  19. ೭. ರಾಜ ........................................

    Answer

    ಪುಲ್ಲಿಂಗ

  20. ೮. ಕಲ್ಲು ........................................

    Answer

    ನಪುಂಸಕಲಿಂಗ

  21. ೯. ಶಾಲೆ ........................................

    Answer

    ನಪುಂಸಕಲಿಂಗ

  22. ೧೦. ನಾಯಿ ........................................

    Answer

    ನಪುಂಸಕಲಿಂಗ

Interactive Lab

← Go to the course page