ಪದ್ಯ (poem) · ಕೆ. ಎಸ್. ನರಸಿಂಹಸ್ವಾಮಿ
ಪಠ್ಯFull text
ಹಕ್ಕಿಯ ಹಾಡಿಗೆ ತಲೆದೂಗುವ ಹೂ
ನಾನಾಗುವ ಆಸೆ
ಹಸುವಿನ ಕೊರಳಿನ ಗೆಜ್ಜೆಯ ದನಿಯು
ನಾನಾಗುವ ಆಸೆ
ಹಬ್ಬಿದ ಕಾಮನ ಬಿಲ್ಲಿನ ಮೇಲಿನ
ಮುಗಿಲಾಗುವ ಆಸೆ
ಚಿನ್ನದ ಬಣ್ಣದ ಜಿಂಕೆಯ ಕಣ್ಣಿನ
ಮಿಂಚಾಗುವ ಆಸೆ
ತೋಟದ ಕಂಪಿನ ಉಸಿರಲಿ ತೇಲುವ
ಜೇನಾಗುವ ಆಸೆ
ಕಡಲಿನ ನೀಲಿಯ ನೀರಲಿ ಬಳುಕುವ
ಮೀನಾಗುವ ಆಸೆ
ಸಿಡಿಲನು ಕಾರುವ ಬಿರುಗಾಳಿಗಂಜದೆ
ಮುನ್ನಡೆಯುವ ಆಸೆ
ನಾಳೆಯ ಬದುಕಿನ ಇರುಳಿನ ತಿರುವಿಗೆ
ದೀಪವನಿಡುವಾಸೆ
–ಕೆ. ಎಸ್. ನರಸಿಂಹಸ್ವಾಮಿ.
ಅಭ್ಯಾಸexercises from the textbook
Model answers — a guide, not the only correct wording. Check with your teacher.
ಅ) ಈ ಕೆಳಗಿನ ಪ್ರಶ್ನೆಗಳಿಗೆ ಉತ್ತರಿಸಿರಿ.
೧. ಕವಿ ಯಾವ ಹಾಡಿಗೆ ತಲೆದೂಗಲು ಆಸೆ ಪಡುತ್ತಾರೆ?
Answerಕವಿ ಹಕ್ಕಿಯ ಹಾಡಿಗೆ ತಲೆದೂಗುವ ಹೂವಾಗಲು ಆಸೆ ಪಡುತ್ತಾರೆ.
೨. ಕವಿ ಯಾವುದರ ದನಿಯಾಗಲು ಇಚ್ಛಿಸುತ್ತಾರೆ?
Answerಕವಿ ಹಸುವಿನ ಕೊರಳಿನ ಗೆಜ್ಜೆಯ ದನಿಯಾಗಲು ಇಚ್ಛಿಸುತ್ತಾರೆ.
೩. ಕವಿ ಜೇನಾಗಲು ಆಸೆಪಟ್ಟಿದ್ದು ಏಕೆ?
Answerತೋಟದ ಕಂಪಿನ ಉಸಿರಲ್ಲಿ ತೇಲಲು ಕವಿ ಜೇನಾಗಲು ಆಸೆಪಟ್ಟರು.
೪. ಕವಿ ಯಾವುದಕ್ಕೆ ಅಂಜದೆ ಮುನ್ನಡೆಯ ಬಯಸುತ್ತಾರೆ?
Answerಕವಿ ಸಿಡಿಲನು ಕಾರುವ ಬಿರುಗಾಳಿಗೆ ಅಂಜದೆ ಮುನ್ನಡೆಯಲು ಬಯಸುತ್ತಾರೆ.
೫. 'ಆಸೆ' ಕವಿತೆ ಬರೆದ ಕವಿಯ ಹೆಸರೇನು?
Answer‘ಆಸೆ’ ಕವಿತೆಯನ್ನು ಕೆ. ಎಸ್. ನರಸಿಂಹಸ್ವಾಮಿಯವರು ಬರೆದರು.
೬. ಕವಿಯಂತೆ ನೀವು ಏನಾಗಲು ಆಸೆ ಪಡುತ್ತೀರಿ?
ಆ) ಕೆಳಗಿನ ಚೌಕದಲ್ಲಿ ಕಾಮನ ಬಿಲ್ಲಿನ ಚಿತ್ರ ಬರೆದು ಬಣ್ಣ ತುಂಬಿರಿ.
(An empty rectangular box is provided for the student to draw and color a rainbow.)