CRECT Education

Class 5 Kannada Lesson 13: Mother | KTBS Second Language

Description

A line-by-line reading of the poem 'ಅಮ್ಮ' (Mother) with vocabulary and comprehension practice for Class 5 Kannada Second Language students.

ಪದ್ಯ · ಜಂಬಣ್ಣ ಅಮರಚಿಂತ

ಪಠ್ಯFull text

ನಿನ್ನ ನುಡಿಯ ಜೇನಿನಲಿ ಎದೆಯ ಒಲುಮೆಯ ಸಿರಿಯಲಿ ಮುದ್ದೇ ಮಾಡಿ ಅನುರಾಗದಿ ನೀಡಿ ಜೋಗುಳ ಹಾಡುವೆ ಲಾಲಿಯಲಿ ||೧|| ಮನೆಯ ಮೊದಲ ಪಾಠಶಾಲೆಯಲಿ ಗುಟುಕಿಟ್ಟು ನಭಕೆ ಹಾರಲು ಕಲಿಸಿ ತಪ್ಪು-ನೆಪ್ಪುಗಳ ಮರೆತು ಕರುಣೆಯಲಿ ಊಟೆಯಂದದಿ ನೆಗೆನೆಗೆದು ಬರುವೆ ಅರಸಿ ||೨|| ಮಹಾತ್ಮನಿರಲಿ ಮಂಕನಿರಲಿ ಜಗದೊಡೆಯನಾಗಲೆಂದು ಹರಸುವ ಮಾತೆ ಗುರಿ ಮರೆತ ಬಾಳಿಗೆ ನೀ ದಿಕ್ಕೂಚಿ ನೀ ಬರಿ ಅಮ್ಮಳಲ್ಲ, ನಡೆದಾಡುವ ದೇವತೆ ||೩|| **ಕೃತಿಕಾರರ ಪರಿಚಯ :** ಕವಿ ಜಂಬಣ್ಣ ಅಮರಚಿಂತ ಅವರು ೧೯೪೫ ರಲ್ಲಿ ರಾಯಚೂರಿನಲ್ಲಿ ಜನಿಸಿದರು. ಇವರು ಪ್ರಗತಿಪರ ಚಿಂತನಶೀಲ ಬರಹಗಾರರು. 'ಮುಂಜಾವಿನ ಕೊರಳು' ಇವರ ಮೊದಲ ಕವನ ಸಂಕಲನ. 'ಅರ್ಧೋ ಜಗತ್ತಿನ ಅಕಾವ್ಯ', 'ಮಣ್ಣಲ್ಲಿ ಬಂದ ಅಕ್ಷರ', 'ಹರಿಯುವ ನದಿಗೆ ಮೈಯಲ್ಲ ಕಾಲು', 'ಗಜಲ್ ಮತ್ತು ರುಬಾಯಿ' ಮುಂತಾದವು ಇವರ ಕವನ ಸಂಕಲನಗಳು. ಇವರಿಗೆ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಮತ್ತು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬಂದಿವೆ. **ಟಿಪ್ಪಣಿ (Notes)** 'ಅಮ್ಮ' ಪದ್ಯವನ್ನು 'ಸುದ್ದಿಮೂಲ' ದಿನಪತ್ರಿಕೆಯಿಂದ ಆಯ್ದುಕೊಳ್ಳಲಾಗಿದೆ. ಮಾನವನ ಜೀವನದಲ್ಲಿ ತಾಯಿ ಕೇವಲ ಅಮ್ಮನಲ್ಲ. ಆಕೆ ದೇವತೆ. ಚಿಕ್ಕ ಮಗುವನ್ನು ಪ್ರೀತಿಯಿಂದ ಮುತ್ತು ನೀಡಿ ಉಣಿಸಿ, ಜೋಗುಳ ಹಾಡಿ, ತನ್ನ ಮಗು ಜಾಣನಿರಲಿ ಅಥವಾ ದಡ್ಡನಿರಲಿ; ಅವನಿಗೆ ಒಳ್ಳೆಯದಾಗಲೆಂದು ಹಾರೈಸುವಳು. ಅಷ್ಟೇ ಅಲ್ಲ. ಜೀವನದ ಗುರಿಯ ಕಡೆಗೆ ಕರೆದೊಯ್ಯುವ ದಿಕ್ಕೂಚಿಯಂತೆ ಇರುವಳು. ಇಂತಹ ತಾಯಿಯನ್ನು ಬರಿ ಅಮ್ಮ ಅಲ್ಲ. ನಡೆದಾಡುವ ದೇವತೆ ಎಂದಿದ್ದಾರೆ ಕವಿಗಳು.

ಪದಗಳ ಅರ್ಥword meanings

Kannada	Pronunciation	Meaning
ಅನುರಾಗ	—	ಪ್ರೀತಿ; ಪ್ರೇಮ; ವಾತ್ಸಲ್ಯ
ಊಟೆ	—	ನೀರಿನ ಚಿಲುಮೆ; ನೀರಿನ ಬುಗ್ಗೆ
ಗುಟುಕು	—	ಒಂದು ಸಲ ನುಂಗುವಷ್ಟು
ತಪ್ಪುನೆಪ್ಪು	—	ತಪ್ಪು ಒಪ್ಪುಗಳು ನಭ - ಆಕಾಶ; ಆಗಸ
ನೆಗೆ	—	ಹಾರು; ಜಿಗಿ
ಸಿರಿ	—	ಸಂಪತ್ತು ಅರಸಿ - ಹುಡುಕಿ ಒಲುಮೆ - ಪ್ರೀತಿ; ಒಲವು
ಜಗದೊಡೆಯ	—	ಪರಮಾತ್ಮ ದಿಕ್ಕೂಚಿ - ದಿಕ್ಕನ್ನು ತಿಳಿಸುವ ಯಂತ್ರ
ನುಡಿ	—	ಮಾತು ಮಾತೆ - ತಾಯಿ; ಅಮ್ಮ
ಹರಸು	—	ಆಶೀರ್ವದಿಸು

ಅಭ್ಯಾಸexercises from the textbook

Model answers — a guide, not the only correct wording. Check with your teacher.

II. ಪ್ರಶ್ನೆಗಳು :

ಅ) ಈ ಕೆಳಗಿನ ಪ್ರಶ್ನೆಗಳಿಗೆ ಒಂದು ವಾಕ್ಯದಲ್ಲಿ ಉತ್ತರಿಸಿರಿ.

೧. ತಾಯಿಯ ನುಡಿಯಲ್ಲಿ ಏನು ತುಂಬಿದೆ ಎಂದು ಕವಿ ಹೇಳುತ್ತಾರೆ?
Answer
ತಾಯಿಯ ನುಡಿಯಲ್ಲಿ ಜೇನು ತುಂಬಿದೆ ಎಂದು ಕವಿ ಹೇಳುತ್ತಾರೆ.
೨. ತಾಯಿ ಜೋಗುಳವನ್ನು ಹೇಗೆ ಹಾಡುತ್ತಾಳೆ?
Answer
ತಾಯಿ ಮುದ್ದು ಮಾಡಿ, ಅನುರಾಗದಿಂದ ಲಾಲಿಯಲ್ಲಿ ಜೋಗುಳ ಹಾಡುತ್ತಾಳೆ.
೩. ಮಗುವಿಗೆ ಮೊದಲ ಪಾಠಶಾಲೆ ಯಾವುದು?
Answer
ಮಗುವಿಗೆ ಮೊದಲ ಪಾಠಶಾಲೆ ಮನೆಯಾಗಿದೆ.
೪. ಅಮ್ಮ ಯಾವುದಕ್ಕೆ ದಿಕ್ಕೂಚಿಯಾಗುವಳು?
Answer
ಅಮ್ಮ ಗುರಿ ಮರೆತ ಬಾಳಿಗೆ ದಿಕ್ಕೂಚಿಯಾಗುವಳು.
೫. ಕವಿ ಅಮ್ಮನನ್ನು ಏನೆಂದು ಕರೆದಿದ್ದಾರೆ?
Answer
ಕವಿ ಅಮ್ಮನನ್ನು ನಡೆದಾಡುವ ದೇವತೆ ಎಂದು ಕರೆದಿದ್ದಾರೆ.
೬. ಜಂಬಣ್ಣ ಅಮರಚಿಂತ ಅವರ ಮೊದಲ ಕವನ ಸಂಕಲನ ಯಾವುದು?
Answer
ಜಂಬಣ್ಣ ಅಮರಚಿಂತ ಅವರ ಮೊದಲ ಕವನ ಸಂಕಲನ 'ಮುಂಜಾವಿನ ಕೊರಳು'.

ಆ) ಈ ಕೆಳಗಿನ ಪ್ರಶ್ನೆಗಳಿಗೆ ಮೂರು-ನಾಲ್ಕು ವಾಕ್ಯಗಳಲ್ಲಿ ಉತ್ತರಿಸಿರಿ.

೧. ತಾಯಿ ಪ್ರೀತಿಯಿಂದ ಲಾಲಿ ಹಾಡುವ ಬಗೆ ಹೇಗೆ?
Answer
ತಾಯಿ ತನ್ನ ಮಗುವನ್ನು ಪ್ರೀತಿಯಿಂದ ಮುದ್ದು ಮಾಡುತ್ತಾಳೆ. ಅನುರಾಗದಿಂದ ಉಣಿಸಿ, ಲಾಲಿಯಲ್ಲಿ ಜೋಗುಳ ಹಾಡುತ್ತಾಳೆ. ಅವಳ ನುಡಿಯಲ್ಲಿ ಜೇನಿನಂತೆ ಸಿಹಿ ತುಂಬಿರುತ್ತದೆ. ಹೀಗೆ ಅವಳು ಮಗುವಿಗೆ ತನ್ನ ಒಲುಮೆಯ ಸಂಪತ್ತನ್ನು ನೀಡುತ್ತಾಳೆ.
೨. ತಾಯಿ ತನ್ನ ಮಗುವನ್ನು ಹೇಗೆ ಅರಸಿ ಬರುತ್ತಾಳೆ?
Answer
ತಾಯಿ ತನ್ನ ಮಗುವನ್ನು ನೀರಿನ ಚಿಲುಮೆಯಂತೆ ನೆಗೆ ನೆಗೆದು ಅರಸಿ ಬರುತ್ತಾಳೆ. ಮಗುವನ್ನು ಕಾಣಲು ಅವಳ ಮನಸ್ಸು ಉತ್ಸುಕವಾಗಿರುತ್ತದೆ. ಅವಳ ಪ್ರೀತಿ ಊಟೆಯ ನೀರಿನಂತೆ ಉಕ್ಕಿ ಹರಿಯುತ್ತದೆ. ಕವಿ ಹೇಳುವಂತೆ, ಆಕೆ ನೆಗೆದು ನೆಗೆದು ಬಂದು ಮಗುವನ್ನು ಹುಡುಕುತ್ತಾಳೆ.
೩. ತಾಯಿ ತನ್ನ ಮಗುವನ್ನು ಏನೆಂದು ಹರಸುತ್ತಾಳೆ?
Answer
ತಾಯಿ ತನ್ನ ಮಗು ಮಹಾತ್ಮನಿರಲಿ ಅಥವಾ ಮಂಕನಿರಲಿ, ಅವನು ಜಗದೊಡೆಯನಾಗಲೆಂದು ಹರಸುತ್ತಾಳೆ. ಅವಳು ಎಲ್ಲ ಮಕ್ಕಳಿಗೂ ಒಳ್ಳೆಯದಾಗಲೆಂದು ಆಶೀರ್ವದಿಸುವ ಮಾತೆಯಾಗಿದ್ದಾಳೆ. ಅವಳ ಹರಕೆಯಲ್ಲಿ ಯಾವುದೇ ಭೇದವಿಲ್ಲ; ಮಗು ದಡ್ಡನಾಗಿರಲಿ ಅಥವಾ ಜಾಣನಾಗಿರಲಿ, ಅವನು ದೊಡ್ಡವನಾಗಬೇಕೆಂದು ಅವಳು ಬಯಸುತ್ತಾಳೆ.

ಇ) ಕವಿತೆಯ ಈ ಸಾಲುಗಳ ಅರ್ಥ ಹೇಳಿರಿ.

೧. ಊಟೆಯಂದದಿ ನೆಗೆ ನೆಗೆದು ಬರುವೆ.
Answer
ತಾಯಿಯು ನೀರಿನ ಚಿಲುಮೆಯ ರೀತಿಯಲ್ಲಿ ನೆಗೆ ನೆಗೆದು (ಹಾರುತ್ತ) ಬರುತ್ತಾಳೆ ಎಂದು ಈ ಸಾಲಿನ ಅರ್ಥ.
೨. ಮಹಾತ್ಮನಿರಲಿ ಮಂಕನಿರಲಿ, ಜಗದೊಡೆಯನಾಗಲೆಂದು ಹರಸುವ ಮಾತೆ.
Answer
ತಾಯಿಯು ಮಗು ಮಹಾತ್ಮನಿರಲಿ ಅಥವಾ ಮಂಕನಿರಲಿ, ಅವನು ಜಗದೊಡೆಯನಾಗಬೇಕೆಂದು ಹರಸುತ್ತಾಳೆ ಎಂಬುದು ಈ ಸಾಲಿನ ಅರ್ಥ.
೩. ಗುರಿ ಮರೆತ ಬಾಳಿಗೆ ನೀ ದಿಕ್ಕೂಚಿ.
Answer
ಜೀವನದಲ್ಲಿ ತನ್ನ ಗುರಿಯನ್ನು ಮರೆತಿರುವ ಮಗುವಿಗೆ ತಾಯಿಯು ದಾರಿ ತೋರಿಸುವ ದಿಕ್ಸೂಚಿಯಂತೆ ಇರುತ್ತಾಳೆ ಎಂದು ಈ ಸಾಲಿನ ಅರ್ಥ.

III. ಭಾಷಾಭ್ಯಾಸ :

ಅ) 'ಅ' ಪಟ್ಟಿಗೆ 'ಬ' ಪಟ್ಟಿಯನ್ನು ಹೊಂದಿಸಿ ಬರೆಯಿರಿ.

'ಅ' ಪಟ್ಟಿ 'ಬ' ಪಟ್ಟಿ
Answer
'ಅ' ಪಟ್ಟಿಗೆ 'ಬ' ಪಟ್ಟಿಯನ್ನು ಹೊಂದಿಸಿ:
ಅ) ನುಡಿ ೧) ನೆಗೆ ........................................
Answer
ನುಡಿ - ಮಾತು
ಆ) ಅನುರಾಗ ೨) ಆಕಾಶ ........................................
Answer
ಅನುರಾಗ - ಪ್ರೀತಿ
ಇ) ಊಟೆ ೩) ಮಾತು ........................................
Answer
ಊಟೆ - ನೀರಿನ ಚಿಲುಮೆ
ಈ) ನಭ ೪) ಪ್ರೀತಿ ........................................
Answer
ನಭ - ಆಕಾಶ
೫) ನೀರಿನ ಚಿಲುಮೆ
Answer
(೫) ನೀರಿನ ಚಿಲುಮೆ ಇದು ಊಟೆಗೆ ಹೊಂದುತ್ತದೆ.

ಆ) ಈ ಶಬ್ದಗಳನ್ನು ನಿಮ್ಮ ಸ್ವಂತ ವಾಕ್ಯದಲ್ಲಿ ಬಳಸಿ ಬರೆಯಿರಿ.

೧. ಅನುರಾಗ :....................................................................................
Model sentence
ಅನುರಾಗ: ನನ್ನ ತಂಗಿಯ ಮೇಲೆ ನನಗೆ ತುಂಬಾ ಅನುರಾಗ ಇದೆ.
೨. ನಭ :....................................................................................
Model sentence
ನಭ: ಪಕ್ಷಿಗಳು ನಭದಲ್ಲಿ ಹಾರಾಡುತ್ತವೆ.
೩. ಗುಟುಕಿಡು :....................................................................................
Model sentence
ಗುಟುಕಿಡು: ನಾನು ಮಾವಿನಹಣ್ಣಿನ ರಸವನ್ನು ಒಂದೇ ಗುಟುಕಿಗೆ ಕುಡಿದೆ.
೪. ಮಹಾತ್ಮ :....................................................................................
Model sentence
ಮಹಾತ್ಮ: ಮಹಾತ್ಮ ಗಾಂಧೀಜಿಯವರು ನಮ್ಮ ದೇಶದ ನಾಯಕರು.
೫. ದಿಕ್ಕೂಚಿ :....................................................................................
Model sentence
ದಿಕ್ಕೂಚಿ: ನಕ್ಷೆಯಲ್ಲಿ ದಿಕ್ಕೂಚಿ ಉತ್ತರ ದಿಕ್ಕನ್ನು ತೋರಿಸುತ್ತದೆ.

ಇ) ಕೆಳಗೆ ಕೊಟ್ಟಿರುವ ಪದಗಳ ಉಚ್ಚಾರಣೆ ಹಾಗೂ ಅರ್ಥ ವ್ಯತ್ಯಾಸ ತಿಳಿಯಿರಿ.

೧. ಅರಸು - ಹರಸು ___________ ___________
Answer
ಅರಸು - ಹುಡುಕು ಹರಸು - ಆಶೀರ್ವದಿಸು
೨. ಹಾಡು - ಆಡು ___________ ___________
Answer
ಹಾಡು - ಹಾಡುವುದು ಆಡು - __NOT_IN_TEXT__
೩. ನಡೆ - ನುಡಿ ___________ ___________
Answer
ನಡೆ - ನಡಿಗೆ ನುಡಿ - ಮಾತು
೪. ನಗೆ - ನೆಗೆ ___________ ___________
Answer
ನಗೆ - __NOT_IN_TEXT__ ನೆಗೆ - ಹಾರು
೫. ಸಿರಿ - ಸೆರೆ ___________ ___________
Answer
ಸಿರಿ - ಸಂಪತ್ತು ಸೆರೆ - __NOT_IN_TEXT__
೬. ಮರೆ - ಮೊರೆ ___________ ___________
Answer
ಮರೆ - ಮರೆವು ಮೊರೆ - __NOT_IN_TEXT__

ಈ) ಈ ಕೆಳಗಿನ ಪದಗಳಿಗೆ ವಿರುದ್ಧಾರ್ಥಕ ಪದಗಳನ್ನು ಬರೆಯಿರಿ.

೧. ರಾಗ x ___________
೨. ಕರುಣೆ x ___________
೩. ಒಡೆಯ x ___________
೪. ಮೊದಲ x ___________

ಉ) ಈ ಜೋಡುನುಡಿಗಳನ್ನು ಗಮನಿಸಿ ವಾಕ್ಯದ ಮುಖಾಂತರ ಅರ್ಥ ತಿಳಿಯಿರಿ.

೧. ತಪ್ಪು ನೆಪ್ಪು : ನನ್ನ ತಪ್ಪು ನೆಪ್ಪುಗಳನ್ನು ಅಮ್ಮ ಕ್ಷಮಿಸುವಳು.
Answer
ತಪ್ಪು ನೆಪ್ಪು ಎಂದರೆ ತಪ್ಪುಗಳು ಮತ್ತು ನೆಪ್ಪುಗಳು.
೨. ಅಡೆತಡೆ : ಅಡೆತಡೆ ಬಂದರೂ ಓದು ಮುಂದುವರೆಸುವೆನು.
Answer
ಅಡೆತಡೆ ಎಂದರೆ ತಡೆ ಅಥವಾ ಅಡಚಣೆ.
೩. ಸುಳ್ಳು ಪೊಳ್ಳು : ನಾನು ಸುಳ್ಳು ಪೊಳ್ಳು ಹೇಳುವುದಿಲ್ಲ.
Answer
ಸುಳ್ಳು ಪೊಳ್ಳು ಎಂದರೆ ಸುಳ್ಳು ಮತ್ತು ಅನಗತ್ಯ ಮಾತು.
೪. ಹಾಲುಜೇನು : ಬದುಕು ಹಾಲುಜೇನಿನಂತೆ ಇರಬೇಕು.
Answer
ಹಾಲುಜೇನು ಎಂದರೆ ಹಾಲಿನಂತೆ ಶುಭ್ರ ಮತ್ತು ಜೇನಿನಂತೆ ಸಿಹಿ ಬಾಳು.

ಪೂರಕ ಓದು :

ಒಬ್ಬ ವಿಧವೆ. ಸಣ್ಣ ತರಕಾರಿ ಅಂಗಡಿ. ಅದರಿಂದಲೇ ಆಕೆಯ ಜೀವನ ಸಾಗುತ್ತಿತ್ತು. ಅವಳಿಗೆ ಒಬ್ಬನೇ ಮಗ. ಅವನನ್ನು ಓದಿಸಬೇಕೆಂಬ ಹಂಬಲ. ದೊಡ್ಡ ಶಾಲೆಗೆ ಸೇರಿಸಿದ್ದಳು. ಅವನ ಸಹಪಾಠಿಗಳು ಶ್ರೀಮಂತರ ಮಕ್ಕಳು. ತಾಯಿ ಮಗನ ವಿದ್ಯಾಭ್ಯಾಸದ ಬಗ್ಗೆ ತಿಳಿಯಲು ಶಾಲೆಗೆ ಬಂದಳು. ಹರಕಲು ಸೀರೆ, ಬಡಕಲು ಶರೀರದ ಆಕೆಯನ್ನು ನೋಡಿದ ಸಹಪಾಠಿಗಳು ಗೇಲಿ ಮಾಡಿದರು. ಇದರಿಂದ ಅವನಿಗೆ ಅವಮಾನವಾದಂತಾಯಿತು. ಸಾಯಂಕಾಲ ಮನೆಗೆ ಬಂದು ತಾಯಿಯನ್ನು ತರಾಟೆಗೆ ತೆಗೆದುಕೊಂಡನು. ಇನ್ನೊಮ್ಮೆ ಶಾಲೆಯ ಹತ್ತಿರ ಬಾರದಂತೆ ತಾಕೀತು ಮಾಡಿದ.
ದಿನಗಳು ಉರುಳಿದವು. ಮಗ ದೊಡ್ಡವನಾದನು. ಚೆನ್ನಾಗಿ ಓದಿದ. ಹೊರದೇಶಕ್ಕೆ ಹೋದ. ತಾಯಿಯನ್ನು ಮರೆತೇ ಬಿಟ್ಟನು. ಅವನು ಭಾರತಕ್ಕೆ ಬಂದಾಗ ತಾಯಿಯ ಮನೆ ನೆನಪಾಯಿತು. ಊರಿಗೆ ಬಂದ. ತಾಯಿ ಸತ್ತ ಸುದ್ದಿ ತಿಳಿಯಿತು. ಮರುಗಿದ. ಸಾಯುವ ಮುನ್ನ ಒಂದು ಪತ್ರ ಬರೆಸಿ ಮಗ ಬಂದರೆ ಕೊಡಲು ಮನೆಯ ಮಾಲೀಕನಿಗೆ ತಿಳಿಸಿದ್ದಳು. ಅದನ್ನು ಬಿಡಿಸಿ ನೋಡಿದಾಗ "ಮಗು ನೀನು ಚಿಕ್ಕವನಿದ್ದಾಗ ನಡೆದ ಅಪಘಾತದಲ್ಲಿ ಒಂದು ಕಣ್ಣನ್ನು ಕಳೆದುಕೊಂಡಿದ್ದೆ. ಎಲ್ಲರೂ ನಿನ್ನನ್ನು ಕುರುಡ ಎಂದು ಕರೆಯಬಾರದೆಂದು ವೈದ್ಯರಲ್ಲಿಗೆ ಹೋದೆನು. ನನ್ನ ಕಣ್ಣನ್ನು ತೆಗೆದು ನಿನಗೆ ಹಾಕಲು ಹೇಳಿದೆ, ಅವರು ಆಗುವುದಿಲ್ಲ ಎಂದರು. ಆಗ ಸತ್ತ ನಂತರ ದಾನ ಮಾಡಿದ್ದ ಬೇರೊಬ್ಬರ ಕಣ್ಣನ್ನು ನಿನಗೆ ಕಸಿ ಮಾಡಿದರು. ಚಿಕಿತ್ಸೆಗೆ ಕೊಡಬೇಕಾದ ಹಣಕ್ಕಾಗಿ ನಾನು ಕೊನೆ ಉಸಿರು ಇರುವವರೆಗೆ ದುಡಿದು ತೀರಿಸಿದ್ದೇನೆ. ನೀನು ಎಲ್ಲಿಯೇ ಇರು ಚೆನ್ನಾಗಿರು. ಇದೆ ನನ್ನ ಹರಕೆ ಪತ್ರ."
ಇದನ್ನು ಓದಿ ಅವನ ಕಣ್ಣಲ್ಲಿ ನೀರು ಬಂದಿತು. ಇಂತಹ ತಾಯಿಯನ್ನು ಸರಿಯಾಗಿ ನೋಡಿಕೊಳ್ಳಲಿಲ್ಲ. ಎಂದು ದುಃಖಿಸಿದನು.
ನಿಮ್ಮ ತಾಯಿಯ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಬರೆಯಿರಿ.
___________________________________________________________
___________________________________________________________
___________________________________________________________
___________________________________________________________
___________________________________________________________

Interactive Lab

ಅನುರಾಗಪ್ರೀತಿ; ಪ್ರೇಮ; ವಾತ್ಸಲ್ಯ

ಊಟೆನೀರಿನ ಚಿಲುಮೆ; ನೀರಿನ ಬುಗ್ಗೆ

ಗುಟುಕುಒಂದು ಸಲ ನುಂಗುವಷ್ಟು

ತಪ್ಪುನೆಪ್ಪುತಪ್ಪು ಒಪ್ಪುಗಳು ನಭ - ಆಕಾಶ; ಆಗಸ

ನೆಗೆಹಾರು; ಜಿಗಿ

ಸಿರಿಸಂಪತ್ತು ಅರಸಿ - ಹುಡುಕಿ ಒಲುಮೆ - ಪ್ರೀತಿ; ಒಲವು

ಜಗದೊಡೆಯಪರಮಾತ್ಮ ದಿಕ್ಕೂಚಿ - ದಿಕ್ಕನ್ನು ತಿಳಿಸುವ ಯಂತ್ರ

ನುಡಿಮಾತು ಮಾತೆ - ತಾಯಿ; ಅಮ್ಮ

ಹರಸುಆಶೀರ್ವದಿಸು

← Go to the course page