Class 7 Kannada Lesson 9: Creeper of Script | KTBS Second Language – Poem

ಎಂಥ ಚಂದದ ಬಳ್ಳಿ ಚೆಲ್ಲವರಿದಿಹುದಿಲ್ಲಿ ಚೆಲುವನರಸುವ ಜಾಣ ಬಂದು ನೋಡು ಕನ್ನಡದ ಲಿಪಿಯಲ್ಲಿ ಕನ್ನಡದ ಕಲೆ ಎಲ್ಲೆ - ಯನೆ ನಿಲುಕಿ ನಿಂದಿಹುದು ನೋಡಿ ಹಾಡು. ನಾದ ಸೊಬಗೇ ಮರಳಿ ನಾಡಿಗರ ಹೃದಯದಲಿ ಹೊಳೆದು ಕರದಿಂದಿಳಿದು ಬಂದಿರುವುದೇ? ಹೂಬಳ್ಳಿಯಂದದಲಿ ಸುಳಿದಿಂತು ಚೆಂದದಲಿ ಲಿಪಿಯ ರೂಪವನಾಂತು ನಿಂದಿರುವುದೇ? ಮೊಗ್ಗಿನಂದದಿ ಕೆಲವು ಮಲರಿನಂದದಿ ಹಲವು ಕುಡಿ, ಹೀಚು, ಮಿಡಿ ಕಾಯ್ಗಳಂತೆ ಕೆಲವು ಕನ್ನಡಕ್ಕರಗಳಿವು ಬಳ್ಳಿಯನು ಏರಿಹವು ಬಗೆಯ ಬಳ್ಳಿಯನೆ ಅಲ್ಲಾಡಿಸುವವು. ಕಲ್ಲಿನಲಿ, ಕಾವ್ಯದಲಿ, ಓಲೆಯಲಿ, ಲೋಹದಲಿ ಭಿತ್ತಿಯಲಿ ಈ ಬಳ್ಳಿ ಸುಳಿದಿರುವುದು. ಚಾಲುಕ್ಯ ಕಳಚೂರ್ಯ ಹೊಯ್ಸಳಾಧೀಶ್ವರರ ಯುಗಗಳಲಿ ಹೊಗರೇರಿ ಹರಡಿರುವುದು. ಕನ್ನಡಿಗರಾಂತರದಿಂದಲೇ ಸೌಂದರ್ಯ- ಲತೆ ಕೊನರಿ ನನೆಕೊನೆಯ ತಳೆದು ಬೆಳೆದು ಕನ್ನಡಮ್ಮನ ಕೊರಳ ಸರಕೆ ಮಲ್ಲಿಗೆಯರಳ ಸಲ್ಲಿಸುವುದವಳಡಿಯ ಬಳಿಗೆ ಸುಳಿದು.